O PARTIDO POPULAR DE MARÍN QUERE APOIAR O DEPORTE E PLANTEXAR UNHA ESTRUCTURA DIFERENTE Á QUE HAI QUE NON FUNCIONA.
O Deporte en Marín está absolutamente abandonado, non existe unha aposta forte, decidida e práctica do Deporte como existe noutros concellos.
O P.P. o ten claro e sabe perfectamente onde é necesario actuar e o que é necesario potenciar. Actuaremos na organización e nas infraestructuras deportivas en convenio coa Deputación de Pontevedra e coa Xunta de Galicia.
1. Crearemos unha Fundación de Interese Galego do DEPORTE deMarín para colaborar coas administracións e as empresas públicas e privadas. O seu órgano de goberno será un Padroado que exercerá o seu cargo de maneira gratuíta.
2. Xestionaremos un Plan Director de Infraestruturas Deportivas que abarque a reforma integral do Pavillón da Cañota, un Pavillón de usos múltiples en Seixo, as melloras nos Pavillóns da Raña e do Sequelo, a mellora do Estadio Municipal de San Pedro, dous campos de herba sintética en Santomé e en Seixo e un Parque Lúdico-Deportivo en convenio co Invifas no entorno do río Lameira onde se podan conxugar distintas actividades deportivas e de lecer, carril bici e pista de footing, rocódromo e parque de auga ...xunto con amplas zonas verdes.
3. Dotaremos a Marín dun centro náutico deportivo cunha instalación de deportes náuticos para remo, piragüismo, xunto cun porto deportivo. Tentaremos chegar a un acordo co Ministerio de Defensa que faga compatible o seu uso militar co seu uso público na zona do Paseo Alcalde Blanco
4. Impulsaremos a creación dun campamento de verán en colaboración coa Xunta de Galicia para dotar ós nenos do noso concello de actividades de tempo libre e deportes de calidade nun entorno privilexiado.
5. Garantiremos o pago das licencias deportivas federadas dos clubes deportivos de Marín a tódolos deportistas ata os 16 anos dos clubes de Marín.
6. Xestionaremos que exista en Marín unha Gala do Deporte tódolos anos e crearemos as becas DEMARIN (deporte de Marín).
7. Xestionaremos a utilización dos espazos deportivos de tódolos centros educativos fora das horas lectivas.
No hay comentarios:
Publicar un comentario